APL. “Arsenal” safarda “Aston Villa”ga yutqazib qo‘ydi
Futbol bo‘yicha Angliya Premyer Ligasining 23-turida “Arsenal” 6-fevral, shanba kuni “Aston Villa” mehmoni bo‘ldi.
Uchrashuvning 2-daqiqasidayoq maydon egalari Olli Uotkinsning golidan keyin oldinga o‘tib oldi. Qolgan vaqtlarda har ikki jamoada bir qator golli imkoniyatlar yuzaga keldi, biroq darvozalar daxlsiz qoldi.
“Aston Villa” ushbu g‘alabadan keyin ochkolarini 38 taga yetkazib oldi va 8-o‘ringa ko‘tarildi. “Arsenal” (31) 10-pog‘onada qoldi.
“Arsenal” keyingi turda “Lids”ni qabul qiladi, “Aston Villa” esa “Brayton” mehmoni bo‘ladi.
APL
23-tur bahsi
6-fevral, shanba
“Aston Villa” — “Arsenal” 1:0
Gol: 1:0 – 2 Uotkins.“Aston Villa”: Martines, Targett, Mingz, Konsa, Kesh, Grilish, Makginn, Nakamba, Barkli (Remzi, 78), Traore (Trezege, 66), Uotkins.
“Arsenal”: Rayan, Soaresh (Edegor, 65), Holding, Belyerin, Gabriel, Saka, Parti (Villian, 74), Smit-Rou, Jaka, Pepe, Lyakazett (Obameyang, 59).
Ogohlantirishlar: Konsa (31), Nakamba (35), Parti (52).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
