Futbol bo‘yicha Ispaniya La Ligasining 22-turida “Real” 6-fevral, shanba kuni “Ueska” maydonida mehmon bo‘ldi.
Uchrashuvning dastlabki daqiqalari kutilmaganda maydon egalarining hujumlari ostida o‘tdi, biroq vaqt o‘tgan sari madridliklar vaziyatni to‘liq o‘z tomoniga og‘dirdi va tanaffusga qadar bir qator qulay imkoniyatlarga ega bo‘ldi. Ikkinchi bo‘lim debyutida Xavi Galan o‘zining aniq zarbasi bilan mezbonlarni oldinga olib chiqdi.
Oradan ko‘p o‘tmay mehmonlar bunga Rafael Varanning goli bilan javob qaytardi. 84-daqiqada fransiyalik himoyachi dubl qayd etgan holda jamoasining g‘alabasini ta’minladi.
Ushbu g‘alabadan keyin “Real” ochkolarini 43 taga yetkazib olgan holda ikkinchi o‘ringa ko‘tarildi. Zinedin Zidan shogirdlari ikkita zaxira o‘yiniga ega “Atletiko”dan 7 ochko ortda qolmoqda. “Ueska” (16) esa so‘nggi o‘rinda bormoqda.
La Liga
22-tur bahslari
6-fevral, shanba
“Ueska” — Real Madrid” 1:2
Gollar: 1:0 – 48 Galan, 1:1 – 55 Varan, 1:2 – 84 Varan.“Ueska”: Alvaro Fernandes, Galan, Siovas, Pulido, Maffeo, Dumbiya (Ontiveros, 73), Mikel Riko (Xuan Karlos, 86), Seoane, Silva (Ferreyro, 86), Okazaki (Dani Eskriche, 62), Rafa Mir.
“Real Madrid”: Kurtua, Varan, Mendi (Marvin, 78), Odriosola (Marselo, 67), Nacho, Modrich, Kroos, Asensio, Kazemiro, Vinisius Junior (Mariano Dias, 78), Benzema.
Ogohlantirishlar: Kroos (32), Maffeo (45), Silva (53).
“Levante” — “Granada” 2:2
Gollar: 1:0 – 30 Morales, 1:1 – 43 Kenedi, 2:1 – 67 Morales, 2:2 – 90 Soldado.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)