Футбол бўйича Германия Бундеслигасининг 20-туридан ўрин олган бир қатор учрашувлар 6 февраль, шанба куни бўлиб ўтди.
Дортмунднинг «Боруссия»си сафарда «Фрайбург»га қарши баҳс олиб борди. Иккинчи бўлим дебютида майдон эгалари кетма-кет иккита гол урган ҳолда олдинга ўтиб олди. Бунга дортмундликлар 76-дақиқада Юсуффа Мукоконинг голи билан жавоб қайтарди. Қолган вақтда ҳисоб ўзгармади.
«Лейпциг» жамоаси «Шальке-04» майдонида меҳмон бўлди. Биринчи бўлимга қўшиб берилган вақтда Норди Мукиеле «буқалар»нинг дастлабки голини урди. 73-дақиқада Марсель Забитцер ҳисобни оширган бўлса, 87-дақиқада Даё Упамекано ўйинга нуқта қўйди.
«Байер» эса «Штутгарт»ни қабул қилди. Голларга бой бўлган баҳсда леверкузенликлар йирик ҳисобдаги ғалабани қўлга киритди. «Вольфсбург» эса сафарда «Аугсбург»ни енгди.
«Лейпциг» 41 очко билан иккинчи ўринда бормоқда ва пешқадам «Бавария»дан олти очко ортда. «Вольфсбург» (38) ва «Байер» (35) эса кейинги ўринларни банд этган. Дортмундликлар 32 очко билан 6-поғонадан жой олган.
Бундеслига
20-тур баҳслари
6 февраль, шанба
«Фрайбург» — «Боруссия Д» 2:1
Голлар: 1:0 – 49 Чон Ву Ён, 2:0 – 52 Шмид, 2:1 – 76 Мукоко.«Фрайбург»: Мюллер, Линхарт, Шлоттербек, Гюнтер, Ҳефлер, Грифо (Гулде, 77), Сантамария, Шмид (Кюблер, 86), Чон Ву Ён (Ҳаберер, 70), Хелер (Кайтел, 86), Демирович (Петерсен, 70).
«Боруссия Д»: Ҳиц, Ҳуммелс, Аканжи, Геррейру, Дилэйни (Дауд, 60), Брандт (Беллингҳем, 46), Санчо, Рейна (Рейниер, 70), Жан, Ройс (Мукоко, 60), Ҳоланд.
Огоҳлантиришлар: Беллингҳем (78), Аканжи (90), Ҳаберер (90).
«Шальке-04» — «Лейпциг» 0:3
Голлар: 0:1 – 45+3 Мукиеле, 0:2 – 73 Забитцер, 0:3 – 87 Орбан.«Байер» — «Штутгарт» 5:2
Голлар: 1:0 – 18 Демирбай, 2:0 – 31 Демирбай, 2:1 – 50 Калайжич, 3:1 – 56 Бэйли, 4:1 – 68 Вирц, 4:2 – 77 Калайжич, 5:2 – 84 Грэй.«Аугсбург» — «Вольфсбург» 0:2
Голлар: 0:1 – 38 Вегорст, 0:2 – 59 Баку.«Майнц» — «Унион Берлин» 1:0
Гол: 1:0 – 22, пенальти Ниакате.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)