AQSh prezidenti Jo Baydenning fikricha, Donald Tramp odatda Amerikaning sobiq prezidentlariga beriladigan ma’lumotni oshkor qilmasligi kerak. Bu haqda CBS telekanaliga asoslanib Meduza ma’lum qildi.
“Bu (cheklov) uning Kapitoliyga uyushtirilgan bosqinga aloqasi bo‘lmagan g‘ayrioddiy harakatlari tufayli (kiritiladi)”, – deydi Bayden.
U Trampga maxfiy ma’lumotlarni taqdim etish mamlakatga qanday foyda keltirishi mumkinligi haqida savol berdi.
“Bu ma’lumotlarni nega unga topshirish kerak? Bundan nima naf? U xatoga yo‘l qo‘yishi va biron bir narsani oshkor qilib qo‘yishi mumkin”, – dedi Bayden.
Qayd etilishicha, ayni paytda AQShning sobiq prezidentlari Jimmi Karter, Bill Klinton, Jorj Bush va Barak Obama razvedka ma’lumotlarini olishni davom ettirmoqda.
Oq uy matbuot kotibi Jen Psakining 5-fevral kuni aytishicha, prezidentlik muddati tugaganidan beri Donald Tramp hanuzgacha qo‘shimcha ma’lumot olish uchun so‘rov yubormagan. Psaki bunday so‘rovlar maxsus xizmatlar tomonidan ko‘rib chiqilishini va odatda ular qondirilishini qo‘shimcha qildi.
AQSh Milliy razvedkasi direktorining sobiq birinchi o‘rinbosari Syuzan Gordon va AQSh Vakillar palatasi razvedka qo‘mitasi raisi Adam Shif avval Trampni maxfiy ma’lumotlar uchun mavjud bo‘lgan huquqini bekor qilishga chaqirgan. Baydenning shtab-kvartirasi rahbari Ron Klayn voqealarning ayni rivojini istisno qilmadi.
Avvalroq Donald Tramp Amerika kinoaktyorlar gildiyasini tark etgani hamda gildiya tashkilot a’zoligidan ketgan Donald Trampga minnatdorchilik bildirgani haqida xabar berilgandi.Bundan tashqari, Tramp impichment bo‘yicha jarayonda ko‘rsatma berishdan bosh tortgani xabar qilingandi.
Izoh (0)