АҚШ президенти Жо Байденнинг фикрича, Дональд Трамп одатда Американинг собиқ президентларига бериладиган маълумотни ошкор қилмаслиги керак. Бу ҳақда CBS телеканалига асосланиб Meduza маълум қилди.
«Бу (чеклов) унинг Капитолийга уюштирилган босқинга алоқаси бўлмаган ғайриоддий ҳаракатлари туфайли (киритилади)», – дейди Байден.
У Трампга махфий маълумотларни тақдим этиш мамлакатга қандай фойда келтириши мумкинлиги ҳақида савол берди.
«Бу маълумотларни нега унга топшириш керак? Бундан нима наф? У хатога йўл қўйиши ва бирон бир нарсани ошкор қилиб қўйиши мумкин», – деди Байден.
Қайд этилишича, айни пайтда АҚШнинг собиқ президентлари Жимми Картер, Билл Клинтон, Жорж Буш ва Барак Обама разведка маълумотларини олишни давом эттирмоқда.
Оқ уй матбуот котиби Жен Псакининг 5 февраль куни айтишича, президентлик муддати тугаганидан бери Дональд Трамп ҳанузгача қўшимча маълумот олиш учун сўров юбормаган. Псаки бундай сўровлар махсус хизматлар томонидан кўриб чиқилишини ва одатда улар қондирилишини қўшимча қилди.
АҚШ Миллий разведкаси директорининг собиқ биринчи ўринбосари Сюзан Гордон ва АҚШ Вакиллар палатаси разведка қўмитаси раиси Адам Шиф аввал Трампни махфий маълумотлар учун мавжуд бўлган ҳуқуқини бекор қилишга чақирган. Байденнинг штаб-квартираси раҳбари Рон Клайн воқеаларнинг айни ривожини истисно қилмади.
Аввалроқ Дональд Трамп Америка киноактёрлар гильдиясини тарк этгани ҳамда гильдия ташкилот аъзолигидан кетган Дональд Трампга миннатдорчилик билдиргани ҳақида хабар берилганди.Бундан ташқари, Трамп импичмент бўйича жараёнда кўрсатма беришдан бош тортгани хабар қилинганди.
Изоҳ (0)