“Toshshahartransxizmat” AJ 2021-yilning yanvar oyi mobaynida eng talabgir bo‘lgan top-3 avtobus marshrutlarini e’lon qildi. Ulardan birini yaqinda qisqartirish rejalashtirilgan edi.
Eng ko‘p foydalanilgan yo‘nalishlar:
- 131-sonli yo‘nalish — 238 574 ta;
- 58-sonli yo‘nalish — 173 690 ta;
- 24-sonli yo‘nalish — 150 846 ta.
“Yo‘lovchilar tomonidan bildirilgan murojaatlarni inobatga olgan holda hamda ushbu yo‘nalishning faoliyatini yanada chuqur o‘rganib chiqish munosabati bilan, shuningdek, yo‘lovchilar tashishdagi uzilishlarning oldini olish maqsadida 131-sonli yo‘nalish harakati vaqtinchalik o‘zgartirishsiz qoldirilishini ma’lum qilamiz”, — deyiladi “Toshshahartransxizmat” xabarida.
Eng kam foydalanilgan yo‘nalishlar:
- 184-sonli yo‘nalish — 231 ta;
- 133-sonli yo‘nalish — 3 200 ta;
- 185-sonli yo‘nalish — 3 524 ta.
“Hisoblash jarayonida faqatgina naqd pul va ATTO transport kartalari orqali to‘lov qilgan yo‘lovchilar inobatga olinadi”, — deyiladi xabarda.
Avvalroq Toshkentdagi ikki avtobus saroyini viloyatga ko‘chirish rejalashtirilayotgani to‘g‘risida xabar berilgandi.
Izoh (0)