«Тошшаҳартрансхизмат» АЖ 2021 йилнинг январь ойи мобайнида энг талабгир бўлган топ-3 автобус маршрутларини эълон қилди. Улардан бирини яқинда қисқартириш режалаштирилган эди.
Энг кўп фойдаланилган йўналишлар:
- 131-сонли йўналиш — 238 574 та;
- 58-сонли йўналиш — 173 690 та;
- 24-сонли йўналиш — 150 846 та.
«Йўловчилар томонидан билдирилган мурожаатларни инобатга олган ҳолда ҳамда ушбу йўналишнинг фаолиятини янада чуқур ўрганиб чиқиш муносабати билан, шунингдек, йўловчилар ташишдаги узилишларнинг олдини олиш мақсадида 131-сонли йўналиш ҳаракати вақтинчалик ўзгартиришсиз қолдирилишини маълум қиламиз», — дейилади «Тошшаҳартрансхизмат» хабарида.
Энг кам фойдаланилган йўналишлар:
- 184-сонли йўналиш — 231 та;
- 133-сонли йўналиш — 3 200 та;
- 185-сонли йўналиш — 3 524 та.
«Ҳисоблаш жараёнида фақатгина нақд пул ва АТТО транспорт карталари орқали тўлов қилган йўловчилар инобатга олинади», — дейилади хабарда.
Аввалроқ Тошкентдаги икки автобус саройини вилоятга кўчириш режалаштирилаётгани тўғрисида хабар берилганди.
Изоҳ (0)