3-fevral kuni Toshkent vaqti bilan soat 03:03 Namangan viloyati hududida zilzila qayd etildi. FVV Seysmoprognostik monitoring Respublika markazining ma’lum qilishicha, zilzila epimarkazi Chortoq tumanida joylashgan.
Xabar berilishicha, zilzila episentri Toshkent shahridan 215 kilometr janubi-sharqiy yo‘nalishdagi masofada joylashgan bo‘lib, o‘chog‘i 10 kilometr chuqurlikda, magnitudasi 3,2 ballga teng bo‘lgan.
Yerosti silkinishlari kuchi Namangan viloyatida 4 ballni tashkil etgan.
Avvalroq 29-yanvar kuni Qirg‘izistonda sodir bo‘lgan zilzila kuchi Namanganda sezilgandi, 17-yanvar kuni O‘zbekistonning qator viloyatlarida uncha kuchli bo‘lmagan yerosti silkinishlari qayd etilgan, shuningdek, 11-yanvar kuni Farg‘ona vodiysi viloyatlarida zilzila sezilgani, 1-yanvar kuni Toshkent shahrida 3 ballik zilzila qayd etilgani, 22-yanvarda Qirg‘izistonda sodir bo‘lgan zilzila kuchi Farg‘ona va Andijon viloyatlarida sezilgani, 26-dekabr kuni esa O‘zbekistonning aksariyat shaharlari bo‘ylab davomli yerosti silkinishlari yuz bergani ma’lum qilingan edi.
Izoh (0)