O‘zbekiston aloqa vaziri hamda tashqi iqtisodiy aloqalar vaziri, shuningdek, boshqa ko‘plab tashkilotlar rahbari bo‘lib ishlagan Tohir Rahimov 74 yoshida vafot etdi, deb xabar bermoqda “Xabar.uz”.
Tohir G‘ofurovich Rahimov turli yillarda O‘zbekiston aloqa vaziri, vazir o‘rinbosari, tashqi iqtisodiy aloqalar vaziri, telekommunikatsiya kompaniyasining bosh direktori, Radioaloqa, radioeshittirish va televideniye markazi direktori, Xalqaro aloqa akademiyasining vitse-prezidenti lavozimlarida faoliyat olib borgan.
U 2008-yildan boshlab umrining so‘nggi kunlariga qadar Muhammad al-Xorazmiy nomidagi Toshkent axborot texnologiyalari universiteti “Teleradioeshittirish tizimlari” kafedrasida professor lavozimida faoliyat yuritgan.
O‘zbekiston Prezidentining Farg‘onadagi qabulxonasi rahbari G‘ulomjon Boborahimov 65 yoshida, xorazmlik taniqli hofiz Rahmatjon Qurbonov 62 yoshida vafot etgani haqida xabar berilgan edi.
Izoh (0)