Ўзбекистон алоқа вазири ҳамда ташқи иқтисодий алоқалар вазири, шунингдек, бошқа кўплаб ташкилотлар раҳбари бўлиб ишлаган Тоҳир Раҳимов 74 ёшида вафот этди, деб хабар бермоқда «Xabar.uz».
Тоҳир Ғофурович Раҳимов турли йилларда Ўзбекистон алоқа вазири, вазир ўринбосари, ташқи иқтисодий алоқалар вазири, телекоммуникация компаниясининг бош директори, Радиоалоқа, радиоэшиттириш ва телевидение маркази директори, Халқаро алоқа академиясининг вице-президенти лавозимларида фаолият олиб борган.
У 2008 йилдан бошлаб умрининг сўнгги кунларига қадар Муҳаммад ал-Хоразмий номидаги Тошкент ахборот технологиялари университети «Телерадиоэшиттириш тизимлари» кафедрасида профессор лавозимида фаолият юритган.
Ўзбекистон Президентининг Фарғонадаги қабулхонаси раҳбари Ғуломжон Бобораҳимов 65 ёшида, хоразмлик таниқли ҳофиз Раҳматжон Қурбонов 62 ёшида вафот этгани ҳақида хабар берилган эди.
Изоҳ (0)