Britaniyaning Potrisxed shahri fuqarosi homiladorligi haqida xabar topganidan 9 kun o‘tib farzandli bo‘ldi. Bu haqda Bristol Park nashri ma’lum qilgan.
Ikki farzandning onasi 40 yashar Sem Xiks yil davomida bir necha marta homiladorlikni test orqali aniqlamoqchi bo‘lgan, ammo natija salbiy chiqqan. Turmush o‘rtog‘i Xiks Jo ayolida ayrim simptomlar kuzatilgani, ammo testda hech qanday o‘zgarish ko‘rsatilmagani sabab alomatlarni oshqozon bilan bog‘liq muammolarga yo‘ygan.
Yangi Yilda turmush o‘rtog‘ining maslahati bilan yana bir marta test qilib ko‘rgan ayol 2-yanvar kuni uchinchi farzandga homilador ekanligini bilgan. Ultratovush (UZI) tekshiruviga yozilgan ayolda tug‘ruq jarayoni shifokor ko‘rigidan o‘tishdan avval boshlangan.
Chaqaloq 11-yanvar kuni o‘z muddatida 3,4 kilo vazn bilan tug‘ilgan. Juliya deb ism qo‘yilgan qizaloq nafas yo‘lida muammolar borligi sabab intensiv terapiya bo‘limiga davolanish uchun yotqizilgan. Ahvoli sekin-asta yaxshilanayotgan qizga bir necha kundan keyin ruxsat beriladi, deyiladi xabarda.
Izoh (0)