Samsung US rasmiy akkauntida Galaxy S21’ning yaqinlashib kelayotgan taqdimoti munosabati bilan tvit e’lon qilindi. Foydalanuvchilar ushbu tvit iPhone’dan yuborilganini payqab qolgan, deb yozadi Hi-Tech.Mail.ru.
Tvit zudlik bilan o‘chirib tashlangan, biroq internetda uning skrinshoti saqlanib qolgan:
Samsung’ning kompaniya nomidan chiqish qiladigan ijtimoiy tarmoqlardagi muharrirlari boshqa qurilmalardan, jumladan, iPhone’dan foydalanib xabar e’lon qilishi birinchi marotaba kuzatilmayapti. “Kompaniya yangi flagmanlari taqdimoti haqida asosiy raqibining qurilmasi orqali yozayotganida qandaydir zidlik bor”, — deyiladi xabarda.
Eslatib o‘tamiz, 2018-yilda Samsung’ning ikkita bo‘linmasi shu kabi “xato”ga yo‘l qo‘ygandi — kompaniyaning Saudiya Arabistoni va Nigeriyadagi rasmiy akkaunlari reklama tvitlarini iPhone’dan joylashtirgan. Eng qiziqarli holat esa 2013-yilda sodir bo‘lgan. O‘shanda tennischi Devid Ferrer o‘zining Twitter’dagi sahifasida yangi Galaxy S4’ni maqtagan, biroq u mazkur postni iPhone’dan joylashtirgan edi.
Ma’lumot uchun, Samsung 14-yanvar kuni o‘zining yangi Galaxy S21’ni taqdim etadi.
Avvalroq Samsung’ning buklanuvchi smartfonlari egalari ko‘ngilsiz muammodan shikoyat qila boshlagani to‘g‘risida xabar berilgandi. Egiluvchan ekranlar sovuqqa chiday olmay, ishdan chiqmoqda.
Izoh (0)