Samsung’ning buklanuvchi smartfonlari egalari ko‘ngilsiz muammodan shikoyat qila boshladi — egiluvchan ekranlar sovuqqa chiday olmay, ishdan chiqmoqda, deb yozadi IXBT.

Foto: IXBT

Qishda Galaxy Fold va Galaxy Z Flip egalari egiluvchan ekranlar yorilayotganiga duch keldi. Bu kabi muammo Janubiy Koreya bozorida, Seulda havo harorati Selsiy bo‘yicha -18 darajadan tushib ketganida kuzatilgan.

Foto: IXBT

Jabrlanuvchilarning so‘zlariga ko‘ra, sovuq havoda smartfon ochilganida uning ekrani darz ketgan.

Foto: IXBT

Bu kabi muammoga boshqa mintaqadagi foydalanuvchilar ham duch kelgan, xususan, dekabr oyida. O‘tgan yili Motorola Razr foydalanuvchilar sovuqda shu kabi muammodan shikoyat qilgandi.

Foto: IXBT

Eslatib o‘tamiz, Samsung kompaniyasi Galaxy Note 7 modellari bilan ham omadsizlikka uchragan edi. Galaxy Note 7 smartfonlarining sotuvi dunyoning o‘nta mamlakatida 2016-yil 19-avgust kuni boshlangan edi. OAVlar Samsung batareyalarning portlab ketish ehtimoli tufayli Galaxy Note 7 ning sotuvini to‘xtatib turishini ma’lum qildi. Shundan so‘ng kompaniya barcha Galaxy Note 7 smartfonlarini yangisiga bepul almashtirib berishini ma’lum qildi.