Ontariolik bank menejeri Mayk Antonietti o‘zining Uorvik laqabli sakkiz yoshli itini foydali ish bajarishga o‘rgatdi — endilikda it muzlatkichdan pivo olib kelish bilan birga, ortidan eshikni ham yopib qo‘ymoqda, deb xabar beradi Meduza.
“Balki Uorvik — toza xaski emas, balki nemis ovcharkasi bilan chatishgandir. Shu sababli odamning unga ikki marotaba kamroq baqirgisi keladi”, — deyiladi xabarda.
Uorvikni bunga o‘rgatish uch oy vaqt talab qilgan. Antonietti uni bosqichma-bosqich shug‘ullantirgan: avvaliga it buyruq bo‘yicha oshxonaga borgan. Shundan keyin tutqichiga bog‘langan latta yordamida muzlatkich eshigini ochishni o‘rgangan. Va eng murakkabi — Uorvikka pivo nima ekanligini va uni tishlaganda bankani teshib qo‘ymaslikni tushuntirish bo‘lgan.
O‘rganish jarayonida it ko‘plab marotaba adashib qolgan, masalan, bir safar u Antoniettiga pishloq ko‘tarib kelgan. Ayni vaqtda Uorvik buyruqlarni ideal darajada bajarmoqda, hech narsani chalkashtirmaydi va pivoni tushirib ham yubormaydi. Antoniettining so‘zlariga ko‘ra, it unga bo‘lajak rafiqasini rom etishga yordam bergan, ya’ni birinchi uchrashuvdayoq Uorvik nimaga qodirligini ko‘rsatgan.
Bundan tashqari, Uorvik nafaqat pivo olib keladi, balki o‘zini o‘lganga solishni ham biladi.
Izoh (0)