Xalqaro sport tadqiqotlari markazi (CIES Football Observatory) Yevropa kuchli beshlik ligalarida to‘p suruvchi eng qimmat futbolchilar reytingini e’lon qildi.
Unga ko‘ra, “Manchester Yunayted” hujumchisi Markus Reshford eng qimmat futbolchilar ro‘yxatini boshqarib turibdi. Angliyalik futbolchi 165,6 million yevroga baholangan. Kuchli uchlikdan “Borussiya D” hujumchisi Erling Holand (152 million yevro) va “Liverpul” himoyachisi Trent Aleksander-Arnold (151,6 mln) joy olgan.
“Barselona” forvardi Lionel Messi bu ro‘yxatda bor-yo‘g‘i 97-pog‘onani egallagan (54 mln). Bunga futbolchining amaldagi shartnomasi yarim yildan keyin tugashi sabab qilib ko‘rsatilgan.
“Yuventus” hujumchisi Krishtianu Ronaldu esa top-100 likka ham kirmagan. 35 yoshli portugaliyalik futbolchi 47 million bilan 131-o‘rinda qayd etilgan.
Transfermarkt ma’lumotlari bo‘yicha dunyoning eng qimmat futbolchisi hisoblangan Kilian Mbappe bu ro‘yxatda 5-pog‘onada ko‘rsatilgan (149,4 mln).
Yevropa kuchli beshlik ligalarida harakat qiluvchi eng qimmat futbolchilar top-10 ligi:
1. Markus Reshford (“Manchester Yunayted”) — 165,6 million yevro
2. Erling Holand (“Borussiya” Dortmund) — 152 mln
3. Trent Aleksander-Arnold (“Liverpul”) — 151,6 mln
4. Brunu Fernandesh (“Manchester Yunayted”) — 151,1 mln
5. Kilian Mbappe (PSJ) — 149,4 mln
6. Jeydon Sancho (“Borussiya” Dortmund) — 148,3 mln
7. Joau Feliks (“Atletiko”) — 141,5 mln
8. Alfonso Devis (“Bavariya”) — 139,2 mln
9. Rahim Sterling (“Manchester Siti”) — 136,9 mln
10. Kay Haverts (“Chelsi”) — 136 mln
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)