Халқаро спорт тадқиқотлари маркази (CIES Football Observatory) Европа кучли бешлик лигаларида тўп сурувчи энг қиммат футболчилар рейтингини эълон қилди.
Унга кўра, «Манчестер Юнайтед» ҳужумчиси Маркус Рэшфорд энг қиммат футболчилар рўйхатини бошқариб турибди. Англиялик футболчи 165,6 миллион еврога баҳоланган. Кучли учликдан «Боруссия Д» ҳужумчиси Эрлинг Ҳоланд (152 миллион евро) ва «Ливерпуль» ҳимоячиси Трент Александер-Арнольд (151,6 млн) жой олган.
«Барселона» форварди Лионель Месси бу рўйхатда бор-йўғи 97-поғонани эгаллаган (54 млн). Бунга футболчининг амалдаги шартномаси ярим йилдан кейин тугаши сабаб қилиб кўрсатилган.
«Ювентус» ҳужумчиси Криштиану Роналду эса топ-100 ликка ҳам кирмаган. 35 ёшли португалиялик футболчи 47 миллион билан 131-ўринда қайд этилган.
Transfermarkt маълумотлари бўйича дунёнинг энг қиммат футболчиси ҳисобланган Килиан Мбаппе бу рўйхатда 5-поғонада кўрсатилган (149,4 млн).
Европа кучли бешлик лигаларида ҳаракат қилувчи энг қиммат футболчилар топ-10 лиги:
1. Маркус Рэшфорд («Манчестер Юнайтед») — 165,6 миллион евро
2. Эрлинг Ҳоланд («Боруссия» Дортмунд) — 152 млн
3. Трент Александер-Арнольд («Ливерпуль») — 151,6 млн
4. Бруну Фернандеш («Манчестер Юнайтед») — 151,1 млн
5. Килиан Мбаппе (ПСЖ) — 149,4 млн
6. Жейдон Санчо («Боруссия» Дортмунд) — 148,3 млн
7. Жоау Феликс («Атлетико») — 141,5 млн
8. Альфонсо Дэвис («Бавария») — 139,2 млн
9. Раҳим Стерлинг («Манчестер Сити») — 136,9 млн
10. Кай Ҳаверц («Челси») — 136 млн
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)