Futbol bo‘yicha Germaniya chempionatining 14-turida “Bavariya” 3-yanvar, yakshanba kuni “Mayns”ni qabul qildi.
Uchrashuvning birinchi bo‘limida myunxenliklar kutilmaganda o‘z darvozasidan ikkita olib chiqdi. Biroq tanaffusdan keyin “Bavariya” mehmonlar darvozasini javobsiz besh bor ishg‘ol qildi.
Myunxenliklar safida Robert Levandovski dubl qayd etgan bo‘lsa, Yozua Kimmix, Leroy Sane va Niklas Zyule bir martadan “Mayns” darvozasiga yo‘l topdi.
Mazkur g‘alabadan keyin “Bavariya” ochkolarini 33 taga yetkazib olgan holda birinchi o‘ringa qaytdi. “Mayns” (6) esa 17-pog‘onada qoldi.
Bundesliga
14-tur bahsi
3-yanvar, yakshanba
“Bavariya” — “Mayns” 5:2
Gollar: 0:1 – 32 Burkardt, 0:2 – 44 Xak, 1:2 – 50 Kimmix, 2:2 – 55 Sane, 3:2 – 70 Zyule, 4:2 – 76, penalti Levandovski, 5:2 – 83 Levandovski.“Bavariya”: Noyer, Pavar (Goretska, 46), Boateng (Zyule, 46), Alaba, Devis, Tolisso (Duglas Kosta, 88), Kimmix, Myuller (Shupo-Moting, 88), Levandovski, Gnabri (Musiala, 76), Sane.
“Mayns”: Damen, Brosinski (Shteger, 80), Xak, Sen-Jyust, Mvene (Papela, 89), Barreyro, Latsa, Boetiyus (Onisivo, 71), Fernandesh, Kvayson (Salai, 89), Burkardt (Mateta, 80).
Ogohlantirishlar: Boateng (32), Boetiyus (60), Alaba (62).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)