“Inter” Italiya A Seriyasining 15-turida 3-yanvar kuni “Krotone”ni yirik hisobda (6:2) mag‘lub etdi.
Milanliklar hujumchisi Romelu Lukaku uchrashuvning 64-daqiqasida gol urishga erishdi.
Belgiyalik futbolchi “Inter” safida turli musobaqalarda 70 ta o‘yin o‘tkazib, 50 ta gol urishga muvaffaq bo‘ldi. Lukaku “Inter”da eng tez 50 ta gol urish borasida Ronaldoning rekordini yangiladi. Braziliyalik futbolchi bu natijaga 77 o‘yinda erishgandi.
Shuningdek, bu Romelu uchun “Inter” safida A Seriya doirasidagi 50 o‘yin bo‘ldi va u ligadagi 35-goliga muallif bo‘ldi.
27 yoshli futbolchi A Seriya joriy mavsumida 14 o‘yin o‘tkazib, 12 ta golga muallif bo‘ldi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)