Futbol bo‘yicha Germaniya chempionatining 14-turida “Borussiya D” 3-yanvar, yakshanba kuni “Volfsburg”ni qabul qildi.
Uchrashuvning birinchi bo‘limida hisob ochilmadi. Tanaffusdan keyin dortmundliklar faollikni oshirdi. 66-daqiqada Manuel Akanji mezbonlarni oldinga olib chiqdi. Uchrashuv yakunlanishi arafasida Jeydon Sancho mavsumdagi ilk golini urgan holda yakuniy hisobni o‘rnatdi — 2:0.
Ushbu g‘alabadan keyin “Borussiya” ochkolarini 25 taga yetkazib olgan holda 5-o‘ringa ko‘tarildi. “Bo‘rilar” (24) esa 6-pog‘onaga tushib ketdi.
Dortmund keyingi turda musobaqa peshqadami “Leypsig”ga qarshi bahs olib borsa, “Volfsburg” Berlinda “Union” mehmoni bo‘ladi.
Bundesliga
14-tur bahsi
3-yanvar, yakshanba
“Borussiya D” — “Volfsburg” 2:0
Gollar: 1:0 – 66 Akanji, 2:0 – 90+1 Sancho.“Borussiya D”: Byurki, Hummels, Akanji, Gerreyru, Dileyni, Vitsel, Sancho, Reyna (Zagadu, 90), Menye, Roys (Jan, 85), Holand (Tigges, 81).
“Volfsburg”: Kastels, Bruks, Pongrachich (Lakrua, 78), Paulo Otavio, Arnold, Shteffen (Ginchek, 87), Gerhardt (Mehmedi, 71), Shlager (Byalek, 87), Brekalo (Joao Viktor, 71), Baku, Vegorst.
Ogohlantirishlar: Hummels (25), Shteffen (38), Dileyni (40), Holand (80).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)