Futbol bo‘yicha Italiya A Seriyasining 15-turidan o‘rin olgan bir qator uchrashuvlar 3-yanvar, yakshanba kuni bo‘lib o‘tdi.
“Jenoa” o‘z maydonida “Latsio”ni qabul qildi. Uchrashuvning dastlabki daqiqalarida rimliklar penalti ishlab oldi, uni Chiro Immobile golga aylantirdi. Ikkinchi bo‘limda Eldor Shomurodov zaxiradan maydonga qo‘shildi va bu ko‘p o‘tmay o‘z samarasini berdi.
O‘zbekistonlik futbolchi 58-daqiqada maydonning katta qismini bosib o‘tgan holda, raqiblarni aldab o‘tib, Mattia Destroning goliga assistentlik qildi. Qolgan vaqtda har ikki jamoa vakillarida, shu jumladan, Shomurodovda ham golga tortadigan vaziyatlar bo‘ldi. Biroq 1:1 hisobi o‘yin yakuniga qadar saqlanib qoldi.
Genuyaliklar 11 ochko bilan 19-pog‘onada bormoqda, “Latsio” (22) esa 9-o‘rinda qoldi.
“Roma” jamoasi “Sampdoriya”ga qarshi bahs olib bordi va Edin Jekoning 72-daqiqadagi goli evaziga uch ochkolik bo‘ldi. “Atalanta” esa “Sassuolo”ga beshta gol urdi.
“Napoli” “Kalyari” mehmoni bo‘ldi va yirik hisobda zafar quchdi. Neapolliklar safida Petr Zelinski dubl qayd etgan bo‘lsa, Irving Losano va Lorenso Insinye bir martadan raqib darvozasini ishg‘ol qildi. Mezbonlarning yagona javob goliga Joao Pedro muallif bo‘ldi.
A Seriya
15-tur bahslari
3-yanvar, yakshanba
“Jenoa” — “Latsio” 1:1
Gollar: 0:1 – 15, penalti Immobile, 1:1 – 58 Destro.“Jenoa”: Perin, Zappakosta, Masyello, Sapata (Radovanovich, 33), Chiborra, Rovella (Zays, 46), Behrami (Lerager, 73), Pyatsa (Shomurodov, 46), Badel, Krishito, Destro (Skamakka, 61).
“Latsio”: Reyna, Acherbi, Gabarron (Luis Felipe, 46), Radu, Latssari, Leyva (Eskalante, 69), Marushich, Milinkovich-Savich (Muriki, 81), Luis Alberto (Akpa-Akpro, 89), Kaysedo (Pereyra, 81), Immobile.
Ogohlantirishlar: Gabarron (43), Destro (59), Milinkovich-Savich (60), Chiborra (63), Leyva (69), Eskalante (90).
“Roma” — “Sampdoriya” 1:0
Gol: 1:0 – 72 Jeko.“Kalyari” — “Napoli” 1:4
Gollar: 0:1 – 25 Zelinski, 1:1 – 60 Joao Pedro, 1:2 – 62 Zelinski, 1:3 – 74 Losano, 1:4 – 86, penalti Insine.“Atalanta” — “Sassuolo” 5:1
Gollar: 1:0 – 11 Sapata, 2:0 – 45 Pessina, 3:0 – 49 Sapata, 4:0 – 57 Gozens, 5:0 – 67 Muriel, 5:1 – 75 Kirikesh.“Fiorentina” — “Bolonya” 0:0
“Spetsiya” — “Verona” 0:1
Gol: 0:1 – 75 Zakkanyi.“Parma” — “Torino” 0:2
Gollar: 0:1 – 8 Singo, 0:2 – 88 Itsso.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)