Professional boksning yengil vazn toifasida (-61,2 kg) ringga chiqayotgan amerikalik yengilmas bokschi Rayan Garsiya (21-0, 18 KO) Toshkent vaqti bilan 3-yanvar tongida navbatdagi jangini o‘tkazdi.
Dallasda (AQSh) tashkil etiladigan boks oqshomida Garsiyaga britaniyalik Lyuk Kempbell (20-4, 16 KO) raqiblik qiladi. Ikkinchi raundda britaniyalik bokschi Garsiyani nokdaun holatiga tushirdi, biroq Rayan bu vaziyatdan chiqib keta oldi. Yettinchi raundga kelib, 22 yoshli bokschi tanaga yo‘llangan zarba orqali Kempbellni nokautga uchratdi.
Jang videosini buyerda ko‘rish mumkin — havola
Shu tariqa Garsiya WBC’ning vaqtinchalik chempioni maqomini qo‘lga kiritdi. Endi u kamar sohibi Devid Heyniga (24-0, 15 KO) qarshi jang qilish uchun majburiy da’vogarga aylandi.
Eslatib o‘tamiz, Lyuk Kempbell London—2012 Olimpiadasi chempioni hisoblanadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)