Футбол бўйича Италия А Сериясининг 15-туридан ўрин олган бир қатор учрашувлар 3 январь, якшанба куни бўлиб ўтди.
«Женоа» ўз майдонида «Лацио»ни қабул қилди. Учрашувнинг дастлабки дақиқаларида римликлар пенальти ишлаб олди, уни Чиро Иммобиле голга айлантирди. Иккинчи бўлимда Элдор Шомуродов захирадан майдонга қўшилди ва бу кўп ўтмай ўз самарасини берди.
Ўзбекистонлик футболчи 58-дақиқада майдоннинг катта қисмини босиб ўтган ҳолда, рақибларни алдаб ўтиб, Маттиа Дестронинг голига ассистентлик қилди. Қолган вақтда ҳар икки жамоа вакилларида, шу жумладан, Шомуродовда ҳам голга тортадиган вазиятлар бўлди. Бироқ 1:1 ҳисоби ўйин якунига қадар сақланиб қолди.
Генуяликлар 11 очко билан 19-поғонада бормоқда, «Лацио» (22) эса 9-ўринда қолди.
«Рома» жамоаси «Сампдория»га қарши баҳс олиб борди ва Эдин Жеконинг 72-дақиқадаги голи эвазига уч очколик бўлди. «Аталанта» эса «Сассуоло»га бешта гол урди.
«Наполи» «Кальяри» меҳмони бўлди ва йирик ҳисобда зафар қучди. Неаполликлар сафида Петр Зелиньски дубль қайд этган бўлса, Ирвинг Лосано ва Лоренцо Инсинье бир мартадан рақиб дарвозасини ишғол қилди. Мезбонларнинг ягона жавоб голига Жоао Педро муаллиф бўлди.
А Серия
15-тур баҳслари
3 январь, якшанба
«Женоа» — «Лацио» 1:1
Голлар: 0:1 – 15, пенальти Иммобиле, 1:1 – 58 Дестро.«Женоа»: Перин, Заппакоста, Масьелло, Сапата (Радованович, 33), Чиборра, Ровелла (Зайц, 46), Беҳрами (Лерагер, 73), Пьяца (Шомуродов, 46), Бадель, Кришито, Дестро (Скамакка, 61).
«Лацио»: Рейна, Ачерби, Габаррон (Луис Фелипе, 46), Раду, Лаццари, Лейва (Эскаланте, 69), Марушич, Милинкович-Савич (Мурики, 81), Луис Альберто (Акпа-Акпро, 89), Кайседо (Перейра, 81), Иммобиле.
Огоҳлантиришлар: Габаррон (43), Дестро (59), Милинкович-Савич (60), Чиборра (63), Лейва (69), Эскаланте (90).
«Рома» — «Сампдория» 1:0
Гол: 1:0 – 72 Жеко.«Кальяри» — «Наполи» 1:4
Голлар: 0:1 – 25 Зелиньски, 1:1 – 60 Жоао Педро, 1:2 – 62 Зелиньски, 1:3 – 74 Лосано, 1:4 – 86, пенальти Инсине.«Аталанта» — «Сассуоло» 5:1
Голлар: 1:0 – 11 Сапата, 2:0 – 45 Пессина, 3:0 – 49 Сапата, 4:0 – 57 Гозенс, 5:0 – 67 Муриэль, 5:1 – 75 Кирикеш.«Фиорентина» — «Болонья» 0:0
«Специя» — «Верона» 0:1
Гол: 0:1 – 75 Закканйи.«Парма» — «Торино» 0:2
Голлар: 0:1 – 8 Синго, 0:2 – 88 Иццо.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)