Moskvadagi avtomobil haydovchilariga Kichik Filevskaya ko‘chasida tirbandlikda turgan vaqti uchun 3 ming rubldan (426 ming so‘m) jarima kelishni boshladi. Jamoat transporti bekatidagi kamera svetofor oldida turgan avtomobillarni belgilanmagan joyga to‘xtagan deya qayd etmoqda, deb yozadi Motor.
Kutilmagan “baxt maktubi” Kichik Filevskaya ko‘chasi bo‘ylab Zvdenigorod tor ko‘chasidan Rublyovka shossesi tomon harkatlangan haydovchilarga kelgan. Ushbu hududda jamoat transportining oshirilgan tezligini qayd etishga yo‘naltirilgan kamera ishlaydi. O‘tgan kuzdan boshlab tizim belgilanmagan joyga to‘xtagan avtomobillarni ham qayd etishni “o‘rganib olgan”.
Qoidabuzarlikni algoritmi quyidagicha ishlaydi: agar avtomobil taqiqlangan joyda ikki daqiqadan ortiq turib qolsa, tizim avtomatik ravishda ma’muriy bayonnoma tuzib, 3 ming rubl miqdorida jarima belgilaydi. Biroq qandaydir sabablarga ko‘ra, kamera sveteforning yashil chirog‘i yonishini kutib tirbandlikda turgan haydovchilarni ham qoidabuzar sifatida qayd etishni boshlagan.
Jarima kelgan haydovchilar Moskva davlat xizmatlari orqali bayonnomalarga nisbatan shikoyat kiritishi kerak. Shu bilan birga, haydovchilar qoidabuzarlik qayd etilgan vaqtda tirbandlik bo‘lganini isbotlab berishi ham lozim.
Avvalroq Italiyada Ford Focus haydovchisiga mashinani soatiga 703 km tezlikda haydagani uchun jarima kelgani to‘g‘risida xabar berilgandi.
Izoh (0)