Mercedes-Benz kompaniyasi avtomobil salonidagi havoni filtrlovchi samarali tizimni joriy etishni boshlagan ishlab chiqaruvchilar qatoriga qo‘shildi. Yangi texnologiyadan birinchi bo‘lib EQS elektroliftbeki xaridorlari foydalanib ko‘rishi mumkin. Buning uchun Shtutgartda xuddi operatsiya xonasidagidek bakteriologik tozalikni ta’minlashga qodir iqlim moslamasi yaratildi, deb xabar beradi Motor.
Mercedes-EQ lineykasining “yashil” flagmani 2021-yilda bozorga chiqadi. Biroq kompaniya hozirdan mijozlarni u tarixdagi eng texnologik va xavfsiz avtomobil bo‘lishiga tayyorlab bormoqda. MBUX multimediasi, qo‘shimcha sun’iy intellekt va mustaqil o‘rganish mexanizmidan tashqari, elektroliftbek murakkab va yuqori samaradorlikka ega havo filtrlovchi tizimga ega bo‘ladi. U HEPA (High Efficiency Particulate Arrestance) filtridan foydalanadi va sohada birinchi bo‘lib DIN EN 1822 standarti bo‘yicha sertifikatga ega bo‘ldi.
Bu EQS salonida biologik toza havo bo‘lishini bildiradi. HEPA filtrining o‘lchami to‘rtta A4 qog‘ozichalik keladi va u kapot ostidan o‘rin oladi — hajmi 10 litrga yaqin. U PM 2.5 bo‘lgan mayda disper aerozol zarralarni, azot oksidi, oltingugurt oksidi va yoqimsiz hidlarni tutib qolishga qodir. Bularning barchasi Progressive Luxury strategiyasining bir qismi bo‘lib, Mercedes-Benz uning doirasida “mijozlarga innovatsion texnologiya va qulay ekologik servislarni ochadi”.
Shu kabi servislardan biri — Mercedes me Charge. 2021-yildan kompaniya har bir quvvatlantirish sessiyasi uchun ishlatilgan elektr energiyasi qayta tiklanadigan elektr manbalaridan olinishi to‘g‘risidagi kafolatni taqdim etadi.
Eslatib o‘tamiz, mart oyida Xitoyning Changan kompaniyasi o‘z avtomobillarini koronavirusdan himoya qilishni boshlagan edi.
Izoh (0)