CarMD tahliliy kompaniyasi eng ishonchli dvigatellarni ishlab chiqaruvchi avtomobil brendlari reytingini taqdim etdi. Buning uchun ekspertlar 1996-yildan 2020-yilga qadar AQShda ishlab chiqarilgan va sotilgan 15,5 milliondan ortiq avtomobilni tahlil qilib chiqqan, deb xabar beradi Motor.
Reytingning kuchli uchligidan check engine’ni kamdan-kam hollarda yonib ketadigan brendlar o‘rin oldi. Mutaxassislar 2019-yilning 1-oktabridan 2020-yilning 30-sentabriga qadar bo‘lgan davrdagi dvigatelning nosozligi va uni tekshirish zarurligidan dalolat beruvchi indikatorning ishga tushish chastotasini taqqoslab chiqqan.
“Chek”ning yonib ketishi Mitsubishi brendlarida eng kam uchrashi aniqlangan, u o‘tgan yilgiga nisbatan ikki pog‘ona yuqorilashga muvaffaq bo‘lgan. 2019-yil yakunlari bo‘yicha ro‘yxat boshidan o‘rin olgan Mercedes-Benz bir pog‘ona pastlagan bo‘lsa, Volkswagen esa o‘tgan yilgi reytingda bo‘lmagan edi — bu safar 3-o‘rin. Shuningdek, Top-5’likdan uch pog‘ona pastlab ketgan Buick va Ford (o‘zgarishsiz qolgan) o‘rin olgan.
Reytingning keyingi uchta pog‘onasida mos ravishda Mazda, BMW va GMC joylashgan — ushbu uchta brend 2019-yili ro‘yxatda yo‘q edi. O‘tgan yilgi natijadan bir pog‘ona yuqoriga ko‘tarilgan Subaru’ga 9-o‘rin nasib etgan bo‘lsa, Top-10’talikning so‘nggi pog‘onasida Cadillac joylashgan.
Alohida band bilan dvigatellarini ta’mirlash qolganlarga qaraganda arzonroq bo‘lgan model va brendlar nomi ham keltirilgan. Ular orasida Kia, Chrysler va Mazda markalari joylashgan bo‘lsa, modellar — Hyundai Tucson, Subaru Impreza va Mercedes-Benz GLE.
Avvalroq dunyoda bir daqiqa ichida eng ko‘p mashina ishlab chiqaradigan avtomobil kompaniyalari reytingi e’lon qilingandi.
Mavzuga doir: Dunyodagi eng ommabop avtomobil ranglari ma’lum bo‘ldi
Izoh (0)