Amerikaning Ogayo shtatidagi maxsus boshpanalarning birida “dunyodagi eng badjahl mushuk” borligi ma’lum bo‘ldi, deb yozadi “Mail.ru”.
Amerikada badjahl va xafa ko‘rinishga ega Gigglz laqabli mushuk Grampi Ket nomli mashhur jahldor mushuk bilan ham raqobatlashishi mumkin. Ma’lum bo‘lishicha, ko‘chada qarovsiz qolgan Gigglz yaqindagina Akrondagi maxsus boshpanada paydo bo‘lgan.
Gigglzni qutqargan Riggi Rescue tashkiloti mushukning jahldor ko‘rinishi ortida yumshoqlik va muloyimlik yashiringaniga ishonadi. Shuningdek, tashkilot qarovsiz hayvonlar va ularga qanday yordam berish borasida ogohlikni oshirish uchun yo‘l-yo‘l jonivorni o‘zining elchisiga aylantirdi.
Gigglzning rasmlari internetda paydo bo‘lganiga ko‘p bo‘lmay unga yangi va doimiy uy topildi. Mushukning yangi mehribon egalari esa hayvonning rasmlarini Instagram sahifasida baham ko‘rishni boshlab yubordi. Hozirda badjahl ko‘rinishli mushukning 2 mingdan ortiq obunachisi bor.
Mavzuga doir:
- “Tom va Jerri?”: Boshpanasiz mushuk kalamushdan ovqatini bo‘lishishni so‘ramoqda — noodatiy video
- Mehri jo‘shgan mushukning it bilan olishuvi aks etgan video internetda mashhurlikka erishdi (video)
- Internetda o‘zining dumini yoqib yuborgan mushuk videosi mashhurlikka erishdi
- Daniyalik ayol mushukni rasmga oldi hamda uning qulog‘ida Gitlerni ko‘rib qoldi
- Kanadada old panjalari yo‘q, odamdek tik yurishga harakat qiladigan mushuk yashaydi (foto)
- Yuz tuzilishi endi uyqudan turgan odamni eslatuvchi mushuk Instagram’da mashhurlikka erishdi (foto)
- Eng g‘amgin memlardan birining qahramoniga aylangan “baqiroq va yig‘loqi” mushuk vafot etdi
Izoh (0)