Ispaniya va Portugaliyada himoya niqobiga ega bolalar qo‘g‘irchog‘i hamda koronavirusni aniqlashga mo‘ljallangan o‘yinchoq test-laboratoriyalar sotuvga chiqarildi, deb xabar beradi Esquire.
Bu kabi o‘yinchoqlarni birdaniga bir nechta mahalliy ishlab chiqaruvchilar taqdim etgan. Jurnalistlar tomonidan so‘rovnoma o‘tkazilganida, onalar bundan juda xursand ekanliklarini bildirgan. Ularning fikricha, bularning barchasi bolalarga hozirgi reallikka moslashish va tibbiy tekshiruvlardan qo‘rqmaslikka yordam beradi. Shu bilan birga, qo‘g‘irchoqlarga niqob taqish orqali bolalarning o‘zi uni taqishga o‘rganib oladi.
Koronavirus testi jamlanmasi esa o‘yinchoq kasallikka “chalingani”ni aniqlashga, shuningdek, uni davolashga yordam beradi. E’lon qilingan kadrlarga ko‘ra, o‘yinchoqlarning qonidagi kislorod miqdorini aniqlash hamda ularga osma ukol qo‘yish mumkin.
Bundan tashqari, Portugaliyada bolalar uchun original himoya vositasini mustaqil yig‘ish imkonini beradigan jamlanmalar ham chiqarilmoqda: niqoblar, yuzni himoyalagich va sovun.
Bu kabi o‘yinchoqlar aslida yoz va kuzda sotuvga chiqqan bo‘lib, hozirda juda ommalashib ketgan.
Izoh (0)