Atlantik-Sitida (Nyu-Jersi shtati) AQSh prezidenti Donald Trampga tegishli bo‘lgan binoni portlash huquqi auksionga qo‘yildi. Bu haqda shahar meri kichik Marti Smollaga tayanib, CNN xabar berdi.
“Ushbu binoni Trampning shahrimizdagi o‘tmishini hisobga olgan holda buzmoqdamiz. Tramp bankrotlik borasidagi qonunlardan o‘z maqsadida foydalanib, Atlantik-Sitida katta mablag‘ to‘pladi va shahar aholisini taqdirning xohishiga tashlab qo‘ydi”, — deydi demokrat-mer.
Atlantik-Siti rasmiylari auksion orqali yig‘ilgan pullarni shahardagi o‘smirlarning professional ta’lim olish dasturlari bilan shug‘ullanadigan yoshlar klubiga yo‘naltirishni va’da qilmoqda. Klubning bir nechta binosi ta’mirtalab ahvolda. Mer auksion orqali million dollardan ko‘proq mablag‘ ishlab olishni rejalashtirgan.
Oldin mehmonxona va kazino sifatida faoliyat ko‘rsatgan Trump Plaza fevral boshida, Jo Baydenning inauguratsiyasidan so‘ng buziladi. Auksion g‘olibi portlovchi qurilmani ishga tushiradigan tugmani bosadi.
Trump Plaza 1984-yilda ochilgan va 2014-yilga qadar ishlagan. Hozirda ushbu bino Trampning ixtiyorida emas va yomon ahvoldaligi sabab uni buzib tashlashmoqda. Hozircha lot 172,5 ming dollarga baholangan.
Izoh (0)