АҚШ қирғоқлари яқинида ичида 4 мингдан ортиқ Hyundai ва Kia автомобиллар бўлган MV Golden Ray юк кемасини арралаш бошлангани тўғрисида хабар берилганди. Авария 2019 йилнинг сентябрида содир бўлган, бироқ унинг сабабларини аниқлаш бўйича тергов ишлари ҳамон давом этмоқда. Тергов кеманинг бир тарафини оғиб кетишига оғир Kia Telluride кроссоверлари сабаб бўлганини айтмоқда, деб ёзади Motor.
MV Golden Ray’нинг фалокатга учраш сабаби ҳамон ноаниқ. Тергов мавжуд имкониятлардан бирини ошкор этди — юкнинг нотўғри тақсимланиши. Маълум бўлишича, портларнинг бирида кемадан 300 га яқин Hyundai Accent ва Kia Forte туширилиб, ўрнига анча оғир бўлган 316 та Kia Telluride ортилган. Бу тортишиш марказининг силжишига ва оқибатда ағдарилишга олиб келган.
Экспертизанинг кўрсатишича, MV Golden Ray ташишга рухсат этилганидан 1000 тонна ортиқча юк ортган. Бундан ташқари, кема қандайдир сабаб билан 1500 тоннадан кам бўлган ҳолатда сув балластини тўкиб юборган, бу ҳолда сув ҳосил бўлган оғишга ёрдам бериши керак эди. Telluride’лар юқори палубалардан бирига жойлаштирилгани ҳам вазиятни мураккаблаштирган — кроссоверлар пастки қаватларда бўлганида, кема мувозанатни сақлаб қолган бўлиши мумкин эди.
АҚШ Қирғоқ хизмати, Транспортидаги хавфсизлик бўйича миллий кенгаши ҳамда Жанубий Корея денгиздаги хавфсизлик суди томонидан амалга оширлаётган тергов ишлари ҳали тугагани йўқ.
Изоҳ (0)