AQShda avariyaga uchragan Chevrolet’ning egasi mashina faralarini qo‘lbola usulda “yangilash”ga qaror qilgan: izolenta va bir juft cho‘ntak fonarlari bilan uni ta’mirlagan, deb yozadi Motor.
Vashington shtati politsiyasining patrul ekipaji tungi soat 02:00 larda I-90 avtomagistrali bo‘ylab xira yoritilgan faralarga ega shubhali mashinani payqab qolgan. Shundan so‘ng, patrul qora Chevrolet Impala’ga yetib olib, uni to‘xtatgan va ofitserlar sedanning old qismiga jiddiy shikast yetganini aniqlagan. Avtomobilda fara vazifasini batareyakada ishlaydigan oddiy fonarlar bajargan bo‘lib, ular kuzovga izolenta yordamida qotirilgan bo‘lgan. Tekshiruv davomida haydovchining haydovchilik guvohnomasini amal qilish muddati tugagani ma’lum bo‘lgan.
Amerika yo‘llari bo‘ylab harakatlanadigan barcha avtomobillar AQSh transport vositalari xavfsizligi Federal standartlariga javob berishi kerak. U faralarga bog‘liq bir qator norma va qoidalarni o‘zida jamlagan. Masalan, hujjatda yorug‘lik qurilamlarining minimal imkoniyati belgilangan.
Qoidabuzar haydovchiga bir nechta jarima belgilangani aytilmoqda.
Avvalroq AQShda politsiya ta’qibidan qochgan Tesla haydovchisi boshqaruvni yo‘qotib, garajlardan biriga urilgani to‘g‘risida xabar berilgandi.
Izoh (0)