Jahon sog‘liqni saqlash tashkiloti koronavirusga qarshi majburiy vaksinatsiya o‘tkazishga qarshi chiqdi. Tashkilotning hisoblashicha, hukumat vaksinatsiyaga bo‘lgan ishonch darajasini oshirish bilan shug‘ullanishi kerak. Bu haqda JSSTning immunizatsiya bo‘limi direktori Keyt O’Brayanga tayanib NBC xabar berdi.
Ta’kidlanishicha, emlanish bo‘yicha alohida tavsiyani alohida intensiv terapiya bo‘linmalaridagi tibbiyot xodimlari olishi mumkin.
“Har bir mamlakat vaksinatsiyaga mandat yaratishini taxmin qilyapmiz, deb o‘ylamayman. Biroq mamlakatdagi vaziyat, professional holat sabab vaksinatsiyadan o‘tish zaruriyati tug‘ilishi yoki qat’iy tavsiya qilinadigan davlatlar bo‘lishi mumkin”, — deydi O’Brayan.
O‘z navbatida JSSTning sog‘liqni saqlash sohasidagi favqulodda holatlar bo‘yicha direktori Maykl Rayan odamlar koronavirusga qarshi emlanish borasida mustaqil qaror qabul qilishlari kerakligini qayd etgan.
Eslatib o‘tamiz, dunyo bo‘yicha koronavirusga qarshi birinchi ommaviy vaksinatsiya Moskva va Buyuk Britaniyada boshlangan edi.
Ma’lumot uchun, 2-dekabr kuni Buyuk Britaniya dunyoda birinchi bo‘lib Pfizer’ning koronavirusga qarshi vaksinasidan foydalanishni ma’qullagan. 4-dekabr kuni esa Bahrayn ham Pfizer vaksinasidan foydalanishni ma’qulladi. Shuningdek, Pfizer va BioNTech vaksinani AQShda hamda Yevroittifoqda ro‘yxatdan o‘tkazish uchun ariza bergan.
Izoh (0)