Koronavirus sabab Le-Burje aviasaloni bekor qilindi. U 2021-yilning iyunida o‘tkazilishi kerak edi

Le-Burje tashkilotchilari 2021-yilning iyuniga rejalashtirilgan aviakosmik salon o‘tkazilmasligini ma’lum qildi, deb xabar beradi Meduza.

Tashkilotchilar tomonidan e’lon qilingan bayonotda ta’kidlanishicha, bu kabi qaror koronavirus pandemiyasi va uning jahon aerokosmik sanoatiga ta’siri sabab sifatida qabul qilingan.

Aviasalonda ishtirok etish uchun pul to‘lab qo‘ygan barchaga mablag‘lari qaytariladi.

Navbatdagi Le-Burje aviasaloni 2023-yilda bo‘lib o‘tishi kerak — ko‘rgazma har ikki yilda bir marotaba o‘tkaziladi. Tashkilotchilarning va’da berishicha, u hozirga qadar o‘tkazilgan ko‘rgazmalar orasida eng kattasiga aylanadi.

Le-Burje xalqaro aviakosmik saloni, shuningdek, Parij aviasaloni nomi bilan ham tanilgan. U Parij yaqida o‘tkaziladi va dunyoning turli nuqtalaridagi ishtirokchilar hamda ko‘p sonli tomoshabinlarni bir joyga to‘playdi.

Eslatib o‘tamiz, 2020-yilning fevralida Shveysariyada koronavirus sabab Jeneva avtosaloni bekor qilingan, Nyu-Yorkdagi xalqaro avtoshou esa avgust oyiga qoldirilgan edi.