Жаҳон соғлиқни сақлаш ташкилоти коронавирусга қарши мажбурий вакцинация ўтказишга қарши чиқди. Ташкилотнинг ҳисоблашича, ҳукумат вакцинацияга бўлган ишонч даражасини ошириш билан шуғулланиши керак. Бу ҳақда ЖССТнинг иммунизация бўлими директори Кейт O’Брайанга таяниб NBC хабар берди.
Таъкидланишича, эмланиш бўйича алоҳида тавсияни алоҳида интенсив терапия бўлинмаларидаги тиббиёт ходимлари олиши мумкин.
«Ҳар бир мамлакат вакцинацияга мандат яратишини тахмин қиляпмиз, деб ўйламайман. Бироқ мамлакатдаги вазият, профессионал ҳолат сабаб вакцинациядан ўтиш зарурияти туғилиши ёки қатъий тавсия қилинадиган давлатлар бўлиши мумкин», — дейди O’Брайан.
Ўз навбатида ЖССТнинг соғлиқни сақлаш соҳасидаги фавқулодда ҳолатлар бўйича директори Майкл Райан одамлар коронавирусга қарши эмланиш борасида мустақил қарор қабул қилишлари кераклигини қайд этган.
Эслатиб ўтамиз, дунё бўйича коронавирусга қарши биринчи оммавий вакцинация Москва ва Буюк Британияда бошланган эди.
Маълумот учун, 2 декабрь куни Буюк Британия дунёда биринчи бўлиб Pfizer’нинг коронавирусга қарши вакцинасидан фойдаланишни маъқуллаган. 4 декабрь куни эса Баҳрайн ҳам Pfizer вакцинасидан фойдаланишни маъқуллади. Шунингдек, Pfizer ва BioNTech вакцинани АҚШда ҳамда Евроиттифоқда рўйхатдан ўтказиш учун ариза берган.
Изоҳ (0)