Mercedes-Benz kompaniyasi G-Class’ga kiruvchi 400 minginchi nusxa ishlab chiqarilganini e’lon qildi. Yubiley raqami ostidagi yo‘ltanlamas kolleksiyasida 20 dan ortiq G-Class’ning turli modifikatsiyalari bo‘lgan germaniyalik muxlisga nasib etgan, deb xabar beradi Motor.
Mercedes-Benz G-Class tarixi 1979-yilga borib taqaladi, biroq yo‘ltanlamas butun dunyo bo‘ylab mashhurlikka erishganiga ko‘p bo‘lmadi: “Gelik” 300 minglik marrani 2017-yilning iyulida zabt etgan bo‘lib, Avstriyadagi zavod 3,5 yildan kamroq vaqt ichida yana 100 ming nusxani yig‘ishga muvaffaq bo‘lgan. Daimler konserni G-Class uchun talab juda ortib ketganini ma’lum qilgan bo‘lsa, insayderlar muvaffaqiyatli modelni alohida subbrendga ajratish rejalari haqida gapirmoqda.
Mercedes-Benz’ning yubiley press-relizida yozilishicha, yaqin orada “nol miqdorda zararli gazlarni chiqaruvchi” elektr energiyasida harakatlanadigan G-Class taqdim etilishi tasdiqlangan, biroq kompaniya uning tafsilotlari bilan bo‘lishmagan. Ta’kidlash kerakki, 400 minginchi nusxa “400 d” dizelli indeksiga ega bo‘lgan, lineykaning “og‘ir” yoqilg‘ida harakatlanuvchi yaqinda kengaytirilgan versiyasi Daimler dizeldan yaqin orada butunlay voz kechmasligini bildiradi.
Avvalroq Mercedes-Benz kompaniyasi EQC 4x4² elektroyo‘ltanlamasi prototipi nimalarga qodir ekanligi tasvirlangan navbatdagi rolik bilan bo‘lishgandi.
Izoh (0)