Mercedes-Benz компанияси G-Class’га кирувчи 400 мингинчи нусха ишлаб чиқарилганини эълон қилди. Юбилей рақами остидаги йўлтанламас коллекциясида 20 дан ортиқ G-Class’нинг турли модификациялари бўлган германиялик мухлисга насиб этган, деб хабар беради Motor.
Mercedes-Benz G-Class тарихи 1979 йилга бориб тақалади, бироқ йўлтанламас бутун дунё бўйлаб машҳурликка эришганига кўп бўлмади: «Гелик» 300 минглик маррани 2017 йилнинг июлида забт этган бўлиб, Австриядаги завод 3,5 йилдан камроқ вақт ичида яна 100 минг нусхани йиғишга муваффақ бўлган. Daimler концерни G-Class учун талаб жуда ортиб кетганини маълум қилган бўлса, инсайдерлар муваффақиятли моделни алоҳида суббрендга ажратиш режалари ҳақида гапирмоқда.
Mercedes-Benz’нинг юбилей пресс-релизида ёзилишича, яқин орада «ноль миқдорда зарарли газларни чиқарувчи» электр энергиясида ҳаракатланадиган G-Class тақдим этилиши тасдиқланган, бироқ компания унинг тафсилотлари билан бўлишмаган. Таъкидлаш керакки, 400 мингинчи нусха «400 d» дизелли индексига эга бўлган, линейканинг «оғир» ёқилғида ҳаракатланувчи яқинда кенгайтирилган версияси Daimler дизелдан яқин орада бутунлай воз кечмаслигини билдиради.
Аввалроқ Mercedes-Benz компанияси EQC 4х4² электройўлтанламаси прототипи нималарга қодир эканлиги тасвирланган навбатдаги ролик билан бўлишганди.
Изоҳ (0)