Bloger Roma Urraco Ukrainada 29 yil davomida garajda saqlangan ideal holatdagi “Moskvich-2141” modeliga duch keldi. 1991-yilda ishlab chiqarilgan avtomobil to‘liq jamlanmaga ega: zavoddagi anjomlarini, original shinalarini va o‘rindiqlardagi himoya plyonkalarini saqlab qolgan, deb xabar beradi “Motor.
21412 modifikatsiyasiga ega “Moskvich”ga “UZAM-331.10” karbyurator dvigateli o‘rnatilgan. Xetchbek 1991-yilda ishlab chiqarilgani sabab, uning saloni jigarrang sun’iy charm bilan qoplanmagan, magnitola o‘rni bo‘lishiga qaramay, uning o‘zi yo‘q.
Minimal darajada minilgani va yaxshi saqlangani sabab mashina kuzovida zanglash alomatlari yo‘q. Yuza qismida biroz korroziya belgilarini kuzatish mumkin, biroq bu uning ishchanligiga ta’sir ko‘rsatmaydi.
Ishlab chiqarilganiga deyarli 30 yil bo‘lgan avtomobildagi jamlanmalarini, xususan, old suv sepgichlar, yuqori voltli simlar, “domkrat” va zaxira eshik qoplagichlarini zavoddagi holicha turibdi. “Pokrishka”larning to‘rttasi ham original — Mi-180 155/80 R14.
Hozirga qadar “Moskvich”ning faqatgina akkumulyatori, yoqilg‘i nasosi va termostati almashtirilgan. Moy va “svechasi”, hatto filtrlari ham o‘zgarmagan.
Mashina 72 ot kuchiga ega 1,5 litrli “UZAM” dvigateli yordamida harakatga kelib, besh pog‘onali mexanik uzatmalar qutisi yordamida harakatga keladi.
Avvalroq Ukrainada hali zavoddagi plyonkasi olib tashlanmagan 30 yillik “Moskvich” topilgani to‘g‘risida xabar berilgandi.
Izoh (0)