Farg‘ona viloyatida Damas va Nexia ishtirokida yo‘l-transport hodisasi sodir bo‘ldi, deya xabar bermoqda YHXBB.
Qayd etilishicha, 2020-yil 1-dekabr kuni soat 13:00 larda Farg‘ona viloyati Beshariq tumanidan o‘tgan 4R-147 avtomobil yo‘lining 88-kilometrida Damas qayrilib olishi natijasida u bilan bir yo‘nalishda harakatlanib kelgan Nexia bilan to‘qnashuv sodir bo‘lgan.
Yo‘l-transport hodisasi oqibatida Damas haydovchisi tan jarohatlari olib, shifoxonada vafot etgan.
Mazkur YTH sodir bo‘lishiga Damas haydovchisining yo‘l harakati qoidalarining 53-bandi (haydovchi harakatlanishni boshlash, yo‘nalishni o‘zgartirish va to‘xtashdan oldin bajarilayotgan manyovr xavfsiz ekanligiga va boshqa harakat qatnashchilariga xalaqit bermasligiga ishonch hosil qilishi) talablariga rioya qilmasdan harakatlanganligi sabab bo‘lgan.
Holat yuzasidan Beshariq tumani IIB tomonidan jinoyat ishi qo‘zg‘atilib, tergov surishtiruv ishlari olib beriladi.
Avvalroq Surxondaryoda mast haydovchi boshqaruvidagi Nexia-3 daraxtga borib urilishi oqibatida 2 kishi halok bo‘lgani, Surxondaryoda haydovchilik guvohnomasi bo‘lmagan yigit otasining Cobalt’ida YTHga uchrashi natijasida 22 yoshli yigit vafot etgani hamda Sergelida 10 yoshli bolani urib, voqea joyidan qochib ketgan Cobalt haydovchisi qo‘lga olingani haqida xabar berilgandi.
Izoh (0)