Lego kompaniyasi Technic lineynasining yangi jamlanmasini taqdim etdi. 50 dollar evaziga Daniya konstruktori yordamida Jeep Wrangler modelining Rubicon versiyasini yig‘ish mumkin, deb xabar beradi Motor.
Technic lineykasining yangi jamlanmasi 665 ta ehtiyot qismdan iborat 24 santimetrli Jeep Wrangler Rubicon’ni yig‘ish imkonini beradi. Elementlar soni nisbatan ko‘p bo‘lmasa ham yo‘ltanlamas qiziqarli funksionali bilan maqtana oladi. Xususan, qora-sariq konstruktor ochiladigan eshiklar va kapot, yig‘iladigan orqa o‘rindiqlar, shuningdek, zaxira g‘ildiragini o‘z ichiga oladi. Bundan tashqari, o‘yinchoq Wrangler yettita vertikal qirqimli radiator panjarasiga, yumaloq faralar va loyda yurishga mo‘ljallangan shinalarga ega bo‘lgan.
Jeep Wrangler’ning o‘ziga xos jihati modelning orqa qismidagi burilish tugmasiga ega boshqariluvchan g‘ildiraklar hisoblanadi. Ishlab chiqaruvchi mitti avtomobilning “podveska”sini sinash maqsadida harakatlanayotgan yo‘ltanlamas yo‘liga turli to‘siqlarni qo‘yishni taklif qiladi.
Lego Technic Jeep Wrangler Rubicon jamlanmasi 2021-yilning 1-yanvaridan sotuvga chiqadi. Konstruktor narxi 50 dollarni tashkil etadi.
Avvalroq AQShda Jeep Wrangler ko‘rinishidagi mangallar sotuvga chiqqani to‘g‘risida xabar berilgandi.
Izoh (0)