Qozonda hozirga qadar 46 kilometr yo‘l bosgan 23 yillik “VAZ-2106” 700 ming rubl (9400 dollar) narxida sotuvga qo‘yildi. Bu pulga yangi “Vesta”nix arid qilish mumkin, deb yozadi Motor.
Sotuvchi mashina tarixiga oid qisqa ma’lumotlar bilan bo‘lishgan: “VAZ-2106” 1997-yilda ishlab chiqarilgan va 46 kilometrgina yo‘l bosgan, holati “xuddi yangidek”. Suratlarga ko‘ra, “Jiguli” ro‘yxatga qo‘yilmagan va quruq garajda saqlangan, biroq e’londa bu haqda hech narsa deyilmagan.
“VAZ-2106” — eng keng tarqalgan Rossiya avtomobilaridan biri bo‘lib, 1976-yildan 2006-yilga qadar uning 4,3 milliondan ortiq nusxasi ishlab chiqarilgan. 1997-yilda sedanni ishlab chiqarish Tolyattidan ko‘chirilmagan, biroq “Jiguli” ayrim dekorativ elementlaridan mahrum bo‘lgan: interyer qoplamasi oddiy, logotipi o‘zgargan. “VAZ-2106”larning keyingi avlodlarini o‘ziga xos jihati — orqa tomonidan joylashgan tumanga qarshi fonarlari.
Sotuvga qo‘yilgan modelning kapoti ostidan 75 ot kuchiga ega 1,6 litrli karbyurator dvigatel o‘rin olgan bo‘lib, u 5 pog‘onali mexanik uzatmalar qutisi yordamid boshqariladi. Kuzov oq rangli sintetik emalga bo‘yalgan, zanlash alomatlari yo‘q.
Avvalroq deyarli yo‘l yurmagan, ideal holatdagi “Moskvich”, shuningdek, 38 yoshli “Kopeyka” yangi Lada Vesta Sport narxida sotuvga qo‘yilgani to‘g‘risida xabar berilgandi.
Izoh (0)