Amerikaning Moderna kompaniyasi tomonidan ishlab chiqilgan koronavirusga qarshi vaksina bilan emlash infeksiyaga qarshi immunitetni uzog‘i bilan 3 oyga oshiradi. “Korrespondent.net”ning yozishicha, 3-dekabr kuni New England Journal of Medicine jurnalida chop etilgan tadqiqot natijalari shundan dalolat bermoqda.
Ushbu vaksinani hamkorlikda ishlab chiqqan AQSh allergiya va infeksion kasalliklar Milliy instituti (NIAID) tadqiqotchilari katta va o‘rta yoshdagi kishilardan iborat 34 nafar ishtirokchi immun javobini o‘rgandi.
“SARS-CoV-2 virusining inson hujayralariga kirishiga to‘sqinlik qiladigan antitanalar vaqt o‘tishi bilan kutilganidek biroz pasaygan, ammo qayta vaksinatsiyadan 3 oy o‘tgach barcha ishtirokchilarda antitana darajasi yuqoriligicha qolgan”, — deb yozadi AFP.
Moderna noyabr oyida 30 ming kishi ishtirok etgan sinovlarning uchinchi bosqichida vaksina 94,5 foiz samaradorlik ko‘rsatganini ma’lum qilgandi. Kasallikning og‘ir shaklida esa 100 foiz samaradorlik ko‘rsatgan.
Izoh (0)