Qozog‘istonda 22-dekabrdan boshlab Rossiya tomonidan yaratilgan “Sputnik V” vaksinasini ishlab chiqarish boshlanadi. Bu haqda mamlakat prezidenti Qosim-Jo‘mart To‘qayevning bosh vazir Asqar Mamin bilan o‘tkazgan uchrashuvi vaqtida ma’lum bo‘ldi, deb xabar beradi Tengrinews.
“Mamlakat rahbariga prezident Vladimir Putin bilan amalga oshirilgan kelishuv doirasida 22-dekabrdan boshlab Qozog‘istonda ‘Sputnik V’ vaksinasini ishlab chiqarishni boshlash yo‘lga qo‘yilishi to‘g‘risida ma’lumot berildi”, — deyiladi xabarda.
Shuningdek, ma’lum bo‘lishicha, qozog‘istonliklarni koronavirusga qarshi ommaviy vaksinatsiyadan o‘tkazish 2021-yilning boshidan boshlanadi. Asqar Maminning so‘zlariga ko‘ra, Qozog‘istonda 2020-yilning dekabridan boshlab koronavirusga qarshi ikki million doza mahalliy vaksinani ishlab chiqarish boshlanadi.
Avvalroq “Sputnik V” vaksinasining namunalari O‘zbekistonga olib kelingani to‘g‘risida xabar berilgandi.
Mavzuga doir:
Izoh (0)