AQSh Qrimning Rossiyaga qo‘shilganligini hech qachon tan olmaydi. Bu haqda AQSh davlat kotibi o‘rinbosari Stiven Bigan Yevropada xavfsizlik va hamkorlik tashkiloti (YeXHT)ning vazirlar onlayn-uchrashuvida ma’lum qildi, deb yozadi “RBK”.
“Rossiya Qrimni bosib olganini biz hech qachon tan olmaymiz”, — deya va’da berdi Bigan.
Uning so‘zlariga ko‘ra, Rossiyaning Ukraina sharqidagi va Qrimdagi xatti-harakatlari “YeXHT mintaqasida suverenitet va hududiy daxlsizlikning eng qo‘pol buzilishi” bo‘lib qolmoqda.
Shuningdek, davlat kotibi o‘rinbosari ta’kidlashicha, Rossiya qo‘shinlari Moldova va Gruziyada “ushbu mamlakatlarning roziligisiz” bo‘lib turibdi. Rossiyaning o‘zida, uning fikricha, inson huquqlari va matbuot erkinligi buzilmoqda.
Noyabrda Rossiya prezidenti Vladimir Putin Rossiya va AQSh hamkorligi haqida gapirayotib, buzilgan aloqalarni yana buzib bo‘lmasligini aytgan edi. Davlat rahbarining matbuot kotibi Dmitriy Peskov yozda Moskva va Vashington munosabatlari “qariyb eng pastki nuqtada” turganini aytgandi.
Qrim 2014-yilda referendum natijalariga ko‘ra Rossiyaga qo‘shilgan edi, unda ovoz berganlarning 95 foizi respublikaning Rossiyaga qo‘shilishini qo‘llab-quvvatlagan edi. Ukraina, AQSh va Yevroittifoq mamlakatlari referendum natijalarini tan olmadi. Kreml esa yarim orolning hududiy mansubligi masalasi Moskva uchun yopiq ekanligini bir necha marta ma’lum qilgan.
Izoh (0)