Huawei kompaniyasi xodimlari bitta smartfonni yig‘ishga qancha vaqt sarflashi ma’lum qilindi

Xitoyda o‘tkazilgan Changsha Cyber Security & Intelligent Manufacturing Conference anjumanida Huawei vitse-prezidenti va Huawei China Cloud and Computing prezidenti Shi Yaoxun kompaniyada smartfonlarning ishlab chiqarish tezligi to‘g‘risida ma’lumot berdi, deb xabar beradi IXBT.

Uning so‘zlariga ko‘ra, so‘nggi yilda Huawei smartfon ishlab chiqarishga ketadigan vaqtni sezilarli darajada kamaytirgan. 2015-yilda bir dona smartfonni ishlab chiqarishga 10 daqiqaga yaqin vaqt ketgan bo‘lsa, 2020-yilda, bu 27 soniyani tashkil etmoqda.

Avvalroq Huawei Cloud Computing Technology raisi va Huawei Cloud Business prezidenti Chjen Yelay kompaniya ishlab chiqarish liniyalaridagi xodimlar sonini qisqartirganini ma’lum qilgandi: “Huawei Mate smartfonlar lineykasini xarajatlarni takomillashtirilgan boshqarish tizimiga muvofiq ishlab chiqaramiz. 2015-yilda har bir ishlab chiqarish liniyasiga 97 kishi talab etilgan bo‘lsa, Huawei Mate 40 uchun hozirda 14 kishi kerak bo‘lmoqda”.