Xiaomi kompaniyasi o‘zining uchta yangi smartfonini — Redmi Note9 Pro 5G, Note9 5G va Note9 4G’ni taqdim etdi, deb xabar beradi Hi-Tech.Mail.ru.
Redmi Note9 Pro hozirda savdoda bo‘lganiga qaramay, xuddi shu nomdagi yangi smartfon 5G aloqa tarmog‘ini qo‘llab-quvvatlagani sabab undan farq qiladi. U kamera va qopqoq qismida ranglar uyg‘unligi bilan yangilangan dizaynga ega bo‘lgan. Barmoq izi skaneri yon tarafga joylashtirilgan.
Redmi Note9 Pro’ga 5G Full HD+ sifatli hamda 120 gersli yangilanuvchi chastotaga ega 6,67 dyuymli displey o‘rnatilgan. Kompaniya uning yorug‘ligi ustida ancha mehnat qilgan bo‘lib, qorong‘ida qulay o‘qish uchun uni 1 nitga qadar tushirish mumkin. Korpus IP53 standarti bo‘yicha himoyalangan — suvga tushirish mumkin emas, biroq yomg‘irdan himoyalangan.
Asosiy o‘ziga xosligi 108 megapikselga teng yangi avlod Samsung HM2 sensori hisoblanadi. Bundan oldingi HM1, masalan, Samsung Galaxy S20 Ultra flagmaniga o‘rnatilgan. Xiaomi’ning smartfoni esa undan besh barobar arzon. Qolgan kameralari — 8 megapikselli keng burchakli, shuningdek, 2 megapikselli makro suratga olish va chuqurlikni o‘lchovchi datchik.
Smartfon Snapdragon 750G bazasida ishlaydi va 5G aloqa tarmog‘ini qo‘llab-quvvatlaydi. Akkumulyator sig‘imi — 4820 mA/soat, 33 vattli tezkor quvvatlanish funksiyasiga ega. Korpusida USB Type-C va naushniklar uchun 3,5 millimetrli razyom bor.
Tezkor xotirasi 6 Gb, ichki xotirasi esa 128 gigabayt bo‘lgan model narxi — 1599 yuan (242 dollar).
Redmi Note9 5G dizayni ham o‘zidan katta modelniki kabi, biroq biroz soddaroq. Ekrani 6,53 dyuym va 60 gertsli standart yangilanish chastotasiga ega. Kameralar jamlanmasi ham oddiy — asosiy modul 48 megapiksel. Shuningdek, u MediaTek Dimensity 800U protsessorida ishlaydi, akkumulyator sig‘imi — 5000 mA/soat. 6/128 gigabaytli versiya narxi — 1299 yuan (197 dollar).
Shuningdek, lineykadan 999 yuanli (150 dollar) hamyonbop Redmi Note9 4G ham o‘rin olgan. Uning dizayni biroz boshqacha, xotirasi kamroq va protsessori kuchsiz. Shunga qaramay, 48 megapikselli kameraga ega, akkumulyator sig‘imi esa oshgan — 6000 mA/soat.
Avvalroq Xiaomi kompaniyasi Redmi Note 9 taqdimotining taklifnomasi bilan birga temir xanjar ham sovg‘a qilayotgani to‘g‘risida xabar berilgandi.
Izoh (0)