Хитойда ўтказилган Changsha Cyber Security & Intelligent Manufacturing Conference анжуманида Huawei вице-президенти ва Huawei China Cloud and Computing президенти Ши Яохун компанияда смартфонларнинг ишлаб чиқариш тезлиги тўғрисида маълумот берди, деб хабар беради IXBT.
Унинг сўзларига кўра, сўнгги йилда Huawei смартфон ишлаб чиқаришга кетадиган вақтни сезиларли даражада камайтирган. 2015 йилда бир дона смартфонни ишлаб чиқаришга 10 дақиқага яқин вақт кетган бўлса, 2020 йилда, бу 27 сонияни ташкил этмоқда.
Аввалроқ Huawei Cloud Computing Technology раиси ва Huawei Cloud Business президенти Чжен Елай компания ишлаб чиқариш линияларидаги ходимлар сонини қисқартирганини маълум қилганди: «Huawei Mate смартфонлар линейкасини харажатларни такомиллаштирилган бошқариш тизимига мувофиқ ишлаб чиқарамиз. 2015 йилда ҳар бир ишлаб чиқариш линиясига 97 киши талаб этилган бўлса, Huawei Mate 40 учун ҳозирда 14 киши керак бўлмоқда».
Мавзуга доир: Интернетда Huawei P50 Pro’нинг илк сурати пайдо бўлди
Изоҳ (0)