Samsung’ning yangi flagmanlarida qurilmani qisqa jumlalar orqali blokdan chiqarish imkoniyati paydo bo‘ladi, deb xabar beradi Hi-Tech.Mail.ru.
Hozirgi kunda ko‘pchilik smartfonni barmoq izi skaneri yoki yuz orqali tezda blokdan chiqarishga o‘rganib qolgan. Samsung esa ushbu funksiyani yangi biometrik autentifikatsiya usuli orqali kengaytirishni istamoqda — Galaxy S21’ni ovoz yordamida blokdan chiqarish mumkin bo‘ladi.
Zamonaviy smartfonlar odamlar ovozini ajrata oladi, bu 2013-yili Moto X’da paydo bo‘lgandi — unga nutqni ajrata oladigan alohida chip o‘rnatilgan. Samsung ushbu texnologiya yordamida foydalanuvchilar o‘z smartfonlarini qisqa jumlalar orqali ochishiga imkoniyat yaratmoqchi.
Qurilmani blokdan chiqarishning bu kabi usuli, masalan, mashinada — smartfon biror joyga o‘rnatilgan bo‘lsa, foyda beradi. Biroq ikkinchi masala — bu ish amalga oshirilganidan so‘ng baribir ekranga qo‘l bilan tegish kerak bo‘ladi.
“Ehtimol, Samsung smartfonni ovoz yordamida boshqarishning ko‘proq imkoniyatlarini ko‘rib chiqayotgandir, shunda ushbu fikrdan qandaydir ma’no bo‘ladi”, — deyiladi xabarda.
Samsung taqdimotda javob berishi kerak bo‘ladigan yana bir savol — texnologiyaning qanchalik xavfsizligi. Zamonaviy neyrotarmoqlar odamlar ovozini yaratish imkoniyatini beradi. Kompaniya o‘z qurilmalarini bundan himoyalay olish-olmasligi hozircha noma’lum.
Avvalroq Samsung Galaxy S21 flagmani qutisidan simsiz naushniklar o‘rin olishi mumkinligi to‘g‘risida xabar berilgandi.
Izoh (0)