Niderlandiyalik afsonaviy hujumchi Denis Bergkampning aerofobiya, ya’ni samolyotda uchishdan qo‘rqishini ko‘pchilik yaxshi bilsa kerak. Ahvol shu darajaga yetib boradiki, kunlardan bir kun u boshqa hech qachon samolyotda uchmaslikka qaror qiladi va shu sababli ko‘plab safar uchrashuvlarini o‘tkazib yubordi.
Biroq bu uning muvaffaqiyatlariga juda katta ta’sir o‘tkazmaydi, balki ushbu xususiyati uni yana-da mashhur qilib yubordi. Hatto unga “uchmas golland” deb laqab berishgandi.
Bergkamp futbol olamida turli xil fobiyalardan aziyat chekadigan yagona inson emas. Quyida esa aynan mana shunday qiziqarli va g‘ayrioddiy fobiyalarga ega bo‘lgan charm to‘p ustalari haqida fikr yuritiladi.
Piter Krauch – kemiruvchilardan qo‘rqish
Ikki metrli ingliz hujumchisi faoliyatining eng yaxshi yillarida darvozabonlar uchun haqiqiy dahshatning o‘zginasi edi. Krauch bolaligidan kemiruvchilardan o‘lgudek qo‘rqqan. Bu haqida aynan ularni uyda saqlashni yaxshi ko‘radigan futbolchining rafiqasi yozg‘irib gapirgandi.
Bundan tashqari, Krauch faoliyatining boshida o‘z bo‘yining o‘sishidan qo‘rqqan. Angliyalikning bo‘yi 2 metrdan o‘tganidan keyin, u yana-da o‘sib ketishidan jiddiy xavotirlana boshlagan.
Marko Veratti va Fil Jons – klaustrofobiya
Yer yuzidagi ko‘p odamlar, liftda qamalib qolishdan qo‘rqadi, ularning orasida esa PSJ yulduzi Marko Verratti hamda “Manchester Yunayted” futbolchisi Fil Jonsni ham uchratish mumkin. Shu tufayli, futbolchilar imkon qadar chet elda liftdan foydalanmaslikka harakat qiladi.
Andrey Arshavin – neofobiya
Rossiyalik sobiq hujumchi yangi va o‘ziga begona bo‘lgan joy hamda sharoitlarga tushib qolishdan (neofobiya) qo‘rqqan. Shu tufayli Arshavining “Arsenal”ga moslashishi juda qiyin kechgan va hatto ruhshunosga murojaat qilishga ham majbur bo‘lgan.
Ronaldo – o‘z vazni oshib ketishidan qo‘rqish
Braziliyalik “so‘yloq” faoliyatining oxirlariga boribgina vazn bilan bog‘liq muammolar duch kelgan bo‘lsa-da, u yoshligidan semirib ketishdan qo‘rqqan.
“Inter”da o‘ynagan vaqtlarida jamoaning o‘sha paytdagi murabbiyi Ektor Kuper futbolchilardan rejimga rioya qilishni talab qilib, jismoniy tayyorgarlikka o‘ta jiddiy yondashgan va futbolchilardan har kuni vazn o‘lchashni so‘ragan. Bu esa Ronalduni dahshatga solgan, chunki u qancha vaznga ekanligini bilishni xohlamagan.
Krishtianu Ronaldu – o‘limdan qo‘rqish
Ronaldu hayotda hamma narsadan ham ko‘ra ko‘proq o‘limdan qo‘rqadi. Portugaliyalikning so‘zlariga ko‘ra, u 80 yoki 90 yoshga kirishni xohlaydi. Bundan kam emas.
Ronalduning maksimalist ekanini hisobga olib, bu bayonotdan ajablanishga hojat yo‘q. Axir, hujumchi futbolchilik faoliyatini ham kamida 40 yoshga qadar davom ettirmoqchi-ku.
Stiven Jerrard – mizofobiya
“Liverpul”ning buyuk va qo‘rqmas sardori hech qachon qiyinchiliklardan va hatto eng dahshatli raqiblardan cho‘chimagan, u o‘zining jasorati hamda fidoyiligi bilan har doim jamoadoshlariga o‘rnak bo‘lgan.
Biroq u sayyoradagi eng mitti jonzotlar mikroblarga toqat qila olmagan. Jerrard tozalikni juda yaxshi ko‘radi va “iflos qo‘llar” fobiyasidan aziyat chekadi, ya’ni mizofobiyadan. Mish-mishlarga ko‘ra, ba’zida u kuniga yigirma martalab qo‘llarini yuvar ekan. Shundan kelib chiqib, pandemiya sharoitida unga oson bo‘lmayotgani aniq.
Mavzuga doir: Jerrard, Pele, Ronaldu. Futbol tarixida ortiqcha baho berib yuborilgan futbolchilar reytingi tuzildi
Runi uxlayotgan vaqtida sukunatni yomon ko‘radi. Bolaligida ingliz arvoh va sharpalardan juda qo‘rqardi, shuning uchun ularni qo‘rqitish uchun u nafaqat chiroqlarni o‘chirmas, balki televizor yoki changyutgichni ham yoqib qo‘yardi.
Elektr jihozlarining tovushlari ostida uxlash odati Runida shu kungacha saqlanib qolgan. Agar forvard mehmonxonada tunash uchun yolg‘iz qolsa, soch quritadigan (fen) moslamani yoqib qo‘yadi.
Kilian Mbappe – sichqonlardan qo‘rqish
PSJ forvardi sichqonlardan o‘lgudek qo‘rqadi va bu kichik maxluqlar bilan qanday kurashishni ham bilmaydi.
Bir safar u Fransiya yoshlar terma jamoasi joylashgan mehmonxonada sichqonga ko‘zi tushib qoladi va darhol u yerdan tuyog‘ini shiqillatadi hamda “voqea joyi”ga qaytib kelmaslikka qaror qiladi. Ushbu muammoni hal qilish uchun mehmonxona ishchilari hatto mushuk izlashni boshlab yuborgan ekan.
Mavzuga doir: “Oltin to‘p”, Zidan va fransuzcha Madrid. Kilian Mbappe nima uchun “Real”ga o‘tishi kerakligi haqida
Barcha mashhur futbolchilar orasida aynan Bekhemni haqli ravishda fobiyalarning haqiqiy “qiroli” deb hisoblash mumkin. Boisi inglizning qo‘rquvlar bir nechta.
Ulardan birinchisi italiyalik darvozabonga (Janluiji Buffon) hech qanday aloqasi bo‘lmagan, qurbaqalardan qo‘rqish, ya’ni buffonofobiya. Bundan tashqari, futbolchi qushlardan ham qo‘rqadi.
Uning uyida esa har doim shunchaki tartib, tozalik va simmetriya bo‘lishi kerak. Bu bo‘lmasa, u o‘zini noqulay his qiladi.
Izoh (0)