“Barselona” kino olamiga yo‘l qidirmoqda.
Jurnalist Sike Rodrigesning xabar qilishicha, “ko‘k-anorranglilar” rahbariyati Gollivudning bir qator vakillari bilan uchrashgan va AQSh kinostudiyalarining biri bilan hamkorlik qilish niyatida.
“Barselona” kinoga yangi daromad manbayi va klub brendini targ‘ib qiladigan vosita sifatida qaramoqda. Jamoa kinoindustriya orqali 200 million yevroga yaqin mablag‘ ishlab olish niyatida: 100 million — bo‘lajak kinoloyihadan, yana 100 million esa biznesning rivojlanishi evaziga.
Avvalroq koronavirus sabab “Barselona”ning daromadlari 14 foizga tushib ketgani xabar qilingandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)