Fransiyada o‘tgan bir sutka ichida yana 60,4 mingdan ortiq odamda koronavirus tasdiqlandi. Bu mamlakatda pandemiya boshlanganidan buyon qayd etilgan eng yuqori ko‘rsatkich hisoblanadi, deb xabar beradi “Interfaks”.
Mamlakatda rekord ko‘rsatkich ikkinchi kun ketma-ket qayd etilmoqda. Bundan oldingi bir sutka ichida Fransiyada 58 mingdan ortiq odamda COVID-19 aniqlangandi.
Shuningdek, bir sutka ichida mamlakatda koronavirusdan 828 kishi vafot etgan.
Fransiyada pandemiya boshlanganidan buyon 1,5 milliondan ortiq odamda COVID-19 qayd etilgan, qariyb 40 ming bemor virus qurboniga aylangan.
Avvalroq karantin haqida mamlakat prezidenti Emmanuel Makron e’lon qilgan edi. U ommaviy tadbirlar bekor qilinishi, ko‘p sonli odamlar to‘planadigan joylar, xususan, bar va restoranlar yopilishi, buning imkoniyati bo‘lgan barcha korxonalarda masofadan ishlash formati joriy etilishini aytgandi. Shundan so‘ng 30-oktabrdan 1-dekabrgacha umumiy karantin joriy qilindi. Ulgurji savdo muassasalari, maktablar va maktabgacha ta’lim muassasalari, maktabdan tashqari mashg‘ulotlar o‘tkazuvchi muassasalar, mehmonxonalar, barcha sog‘liqni saqlash muassasalari, jamoat transporti o‘z ishini davom ettiradi.
6-noyabrdan esa Parijda COVID-19 tufayli tunda oziq-ovqat yetkazib berish va spirtli ichimliklar sotib olish taqiqlandi.
Izoh (0)