BMT Bosh assambleyasi Rossiya tomonidan taklif qilingan rezolyutsiyani qabul qildi. Unga ko‘ra, 8 va 9-may kunlari Ikkinchi jahon urushining barcha qurbonlarini xotirlash kuni deb e’lon qilindi. Bu haqda “TASS” xabar bermoqda.
Hujjat barcha a’zo davlatlarni, BMT tizimidagi tashkilotlarni, nodavlat tashkilotlarni va shaxslarni ushbu kunlarni Ikkinchi jahon urushi qurbonlariga hurmat sifatida munosib nishonlashga chaqirgan.
Qarorda, shuningdek, urush qurbonlari xotirasiga bag‘ishlangan Bosh Assambleyaning 2020-yil 1-dekabr kuni maxsus tantanali yig‘ilishini o‘tkazish taklif etiladi.
Rossiyaning BMTdagi doimiy vakili o‘rinbosari Gennadiy Kuzmin tushuntirishicha, Bosh Assambleya odatda may oyida urush xotirasiga bag‘ishlangan tantanali yig‘ilishlar o‘tkazgan, ammo bu yil koronavirus pandemiyasi sababli tadbir bekor qilingan. Shuning uchun Rossiya bunday uchrashuvni dekabrda chaqirishni taklif qildi.
Shuningdek, rezolyutsiya matnida hujjat qoidalarini tashkilotning barcha a’zo davlatlari e’tiboriga yetkazish uchun BMT bosh kotibiga murojaat mavjud.
May oyida BMT bosh kotibi Antonio Guterresh o‘z murojaatida Ikkinchi jahon urushi tugagan 1945-yilgi saboqlarni eslashga chaqirdi. Uning ta’kidlashicha, xotira va yarashish – 8 va 9-may kunlari odamlar urush paytida halok bo‘lgan millionlab odamlarga hurmat bajo keltiradi. Shuningdek, u Xolokost va fashistlar tomonidan sodir etilgan boshqa jinoyatlar unutilmasligi kerakligini qo‘shimcha qildi.
Avvalroq BMT Qorabog‘ tufayli Ozarbayjonni ogohlantirgani xabar qilingan edi.
Izoh (0)